Навоий вилоят соғлиқни сақлаш бошқармаси тизимидаги даволаш-профилактика муассасалари 868868 нафар аҳолига хизмат қилади, шундан 436536 нафари аёллар бўлиб, уларнинг орасида 237055 нафари туғиш ёшидаги аёллардир.
Вилоятимизда 10 та тиббиёт бирлашмалари, 8 та диспансер, 176 та амбулатория поликлиника муассасалари , шундан 137 та қишлоқ врачлик пункти, 12 та қишлоқ участка шифохонаси, 100 та бирламчи тиббий-санитария ёрдами муассасалари филиаллари, 5 та мустақил поликлиника, 3 та мустақил шифохона, 5 та марказ, 10 та давлат санитария эпидемиология назорат марказлари, 8 та қон қуйиш станцияси ва бўлимлари, 8 та саломатлик институти филиаллари ва бўлимлари фаолият кўрсатиб келмокда.
Вилоят даволаш профилактика муассасаларида 1654 нафар врач ва 9473 нафар ўрта тиббиёт ходимлари фаолият кўрсатиб, врачлар билан таъминланиш ҳар 10 000 аҳолига нисбатан 20,7 ни, ўрта тиббиёт ходимлари билан таъминот 118.6 ни ташкил этади.
Вилоятда тор мутахасисларга бўлган эхтиёж жами 102 нафар бўлиб, энг кўп этиёж умумамалиёт врачларига 26 нафарни, педиатр ва терапевтларга бўлган эхтиёж 22 нафарни ташкил этди.
Вилоят бўйича ҳозирги кунда 3324 та доимий шифохона ўринлари мавжуд бўлиб 2011 йилда 135372 нафар бемор даволаниб чиқди. Амбулатория-поликлиника муассасаларининг қуввати бир сменада10630 гатенг. Аҳолини врачларга жами қатновлар сони 2011 йилда 7 116 124 нафарни ташкил этиб, ўртача бир кишининг врачга қатнови 6.1 га тенг бўлди.